एदे फोटू ल चपक के मुख्य पेज म लहुंटव—

शनिवार, 8 सितंबर 2018

मतदान बर जागरूक करे खातिर फेसबुक म सोसल पेज बनही निर्वाचन आयोग

दुर्ग। मुख्य निर्वाचन अधिकारी, छत्तीसगढ़ डहर सोसल मीडिया प्लेटफॉर्म फेसबुक के माध्यम ले जादा ले जादा लोगन ल जोड़े और मतदान करे बर जागरूक करे खातिर पेज बनाये जाही। येकर अलावा मतदाता जागरूकता अभियान चलाये जाही जेमा पेंटिंग, स्केच, फोटोग्राफ अउ स्लोगन राइटिंग के तीन वर्ग के प्रतियोगिता आयोजित करे जाही। प्रतियोगिता म भाग ले खातिर सात विसय राखे गे हावय। जेमा एथिकल वोटिंग, मतदाता जागरूकताए मेरा वोट-मेरा अधिकार, सुगम निर्वाचन, मतदान क्यों महत्वपूर्ण है, कोई मतदाता न छूटे, मतदान लोकतंत्र की सुदृढ़ीकरण हेतु जइस विसय रखे गे हावय।ये संबंध म अउ जादा जानकारी आवश्यक नियम अउ शर्तें वेबसाईट http://ceochhattisgarh.nic.in म मिलही। 

बेमेतरा तहसील कार्यालय के तिर म खुलही दाल-भात सेन्टर

बेमेतरा। जिला मुख्यालय बेमेतरा म दाल-भात केन्द्र के संचालन खातिर आवेदन आमंत्रित करे गे रिहिसे। जेमा संस्था मां कालिका सेवा समिति बेमेतरा के आवेदन ल पात्र पाये गीस। कलेक्टर महादेव कावरे डहर ले मिले जानकारी के मुताबिक तहसील कार्यालय बेमेतरा म दाल-भात केन्द्र के संचालन बर मां कालिका सेवा समिति बेमेतरा ल अनुमति तको दे गे हावय।