एदे फोटू ल चपक के मुख्य पेज म लहुंटव—

गुरुवार, 20 अक्तूबर 2016

दशहरा-देवारी म फटाका के नुकसानी ल रोके खातिर आवास अउ पर्यावरण विभाग के निर्देश

रात 10 बजे ले बिहनिया 6 बजे तक फोड़े के मनाही

अंजोर.रायपुर। दशहरा अउ देवारी परब म फटाका ले होवइया वायु अउ ध्वनि प्रदूषण के रोकथाम खातिर सबो जिला कलेक्टर अउ पुलिस अधीक्षक मनला अपन-अपन जिला म प्रभावी कार्रवाई सुनिश्चित करे खातिर मंत्रालय म आवास अउ पर्यावरण विभाग के बइठका के आयोजन करे गे रिहिसे। जारी निर्देश म कहे गे हावय के रात 10 बजे ले बिहनिया 6 बजे तक फटाका फोड़े के मनाही रही। अस्पताल, स्कूल, अदालत, धार्मिक संस्था जइसन चरियारी ठऊर के तिर म फटाका झिन फोड़य। संगे-संग लइका मन म वायु अउ ध्वनि प्रदुषण के जानकारी देवत फटाका ले होवइया नुकसान के बारे म जागरूक करे विषय म गोठबात होइस हवय। आगू अधिकारी मनला देवारी तिहार के आगाहू ध्वनि अउ वायु प्रदूषण के माप करके, निर्धारित मानक ले आगर ध्वनि प्रदूषण वाला फटाका बनई अउ बेचई उपर प्रतिबंध लगाये के निर्देश दे गिस। ये संबंध म नेशनल ग्रीन ट्रिब्यूनल, सेन्ट्रल जोन बेंच, भोपाल डहर ले पारित आदेश के कड़ाई ले पालन कराये बर केहे हावय। 

कोई टिप्पणी नहीं:

एक टिप्पणी भेजें