एदे फोटू ल चपक के मुख्य पेज म लहुंटव—

शनिवार, 5 नवंबर 2016

थल सेना म भर्ती खातिर ऑनलाइन आवेदन 20 नवंबर तक

जिला मुख्यालय दुर्ग म अवइया 6 दिसंबर के भर्ती रैली

अंजोर. रायपुर। देश सेवा के सपना संजोइया प्रदेश के युवा मन बर थल सेना म भर्ती के सुघर मउका। सेना के भर्ती रैली म शामिल होये खातिर यहू पइत ऑनलाइन आवेदन मंगाय गे हावय जेन ह 22 अक्टूबर ले 20 नवम्बर तक चलही अउ जिला मुख्यालय दुर्ग म अवइया 6 दिसम्बर भर्ती रैली के आयोजन होही। मिले जानकारी के मुताबिक सैनिक सामान्य ड्यूटी (जी.डी.) पद के खातिर 45 प्रतिशत अउ आन विषय म 33 प्रतिशत अंक के साथ 10वीं या 12 वीं कक्षा पास, उमर साढ़े 21 वर्ष, कद 168 से.मी., वजन 50 कि.ग्रा. अउ छाती 77/82 से.मी. होना चाही। अइसने सैनिक लिपिक (क्लर्क/स्टोरकीपर) पद के खातिर 10वीं या समकक्ष (कला, वाणिज्य विषय न्यूनतम 50 प्रतिशत अंक अउ हरेक विषय म न्यूनतम 40 प्रतिशत अंक ले पास होना चाही। कहू आवेदक स्नातक म अंग्रेजी अउ गणित ले पास हावय तव ओमन ल 10वीं, 12 वीं 40 प्रतिशत अंक ले पास के अनिवार्यता नइये। फेर आयु साढ़े 21 वर्ष, कद 168 से.मी., वजन 50 कि.ग्रा. तथा छाती 77/82 से.मी. होना आवश्यक हवय। सैनिक तकनीकी (एविएशन, एम्युनिशन परिक्षक) पद खातिर 12वीं अंग्रेजी, भौतिकी, रसायन विषय के साथ 50 प्रतिशत अंक  ले पास (प्रत्येक विषय म न्यूनतम 40 प्रतिशत अंक) होना जरूरी हावय।

राज्य म 1085 पटवारी अउ 90 आरआई के भर्ती

अंजोर.रायपुर। छत्तीसगढ़ म पटवारी के 1085 पद अउ राजस्व निरीक्षक के 90 पद म भर्ती करे के वित्त विभाग ले अनुमोदन होय के बाद राजस्व अउ आपदा प्रबंधन विभाग मंत्रालय ले स्वीकृति होगे हावय। जेन म रायपुर म 45, बलौदाबाजार-भाटापारा, म 60, गरियाबंद म  20, धमतरी म 35, महासमंद म 39, दुर्ग म 32, बेमेतरा म 25, बालोद म 50, राजनांदगांव म 126, कबीरधाम म 47, बस्तर म 25, कोंडागांव म 30, उत्तर बस्तर कांकेर म 30, नारायणपुर म 34, दक्षिण बस्तर दंतेवाड़ा म 20, सुकमा म 35, बीजापुर म 10, बिलासपुर म57, मुंगेली म 30, कोरबा म 47, सरगुजा म 32, सूरजपुर म 30, कोरिया म 50, रायगढ़ म 50, जशपुर म 25 अउ जांजगीर-चांपा म 86 पद म भर्ती करे जाही।

जुआ-सट्टा अउ दारू के खिलाफ महिला कमाण्डो

अंजोर.गुंडरदेही। सहयोगी जनकल्याण समिति गुण्डरदेही के अध्यक्ष अउ पद्मश्री ले सम्मानित समाजिक कार्यकर्ता श्रीमती शमशाद बेगम के अगुवाई म महिला कमाण्डो के प्रतिनिधि मंडल ह मुख्यमंत्री डॉ. रमन सिंह ले मुलाकात करिन। प्रतिनिधि मंडल ह सामुदायिक पुलिसिंग के क्षेत्र म समिति कोति ले करे जावत काम के जानकारी मुखिया ल दिस के उंकर समिति म लगभग 10 हजार नारी महिला कमाण्डो म जुरे हावय जेन मन गांव-गांव म अवैध शराब, जुआ-सट्टा रोके के काम करत हावय। ओमन समिति के कुछ अऊ महिला कमाण्डो मनला विशेष पुलिस अधिकारी के दे खातिर मुखिया सो अरजी करिन। जानबा होवय के बालोद जिला पुलिस डहर ने समिति के एक सौ महिला कमाण्डो ल विशेष पुलिस अधिकारी के दर्जा मिले हावय जेन मन अपन-अपन गांव कोति जबर काम करत हावय। 

बालोद पुलिस ल मिलिस अंतर्राष्ट्रीय 'आस्करÓपुरस्कार 

अंजोर.रायपुर। बालोद जिला पुलिस ल सामुदायिक पुलिसिंग खातिर अमेरिका के वर्जीनिया के इंटर नेशनल एसोसिएशन ऑफ चीफ ऑफ पुलिस कोति ले अंतर्राष्ट्रीय पुरस्कार प्रदान करे गे हावय ये बात के जानकारी देवत तत्कालिन पुलिस अधीक्षक आरिफ शेख ह मुख्यमंत्री ल बताइन अउ मिले ट्राफी ल देखाइन। आरिफ शेख ह मुख्यमंत्री ल बताइस के इंटरनेशनल एसोसिएशन ऑफ चीफ ऑफ पुलिस 123 साल जुन्ना संस्था आए, जेकर मुख्यालय वर्जीनिया म हवय। येहा अंतर्राष्ट्रीय स्तर के सर्वोच्च पुरस्कार आए जेला सामुदायिक पुलिसिंग के ऑस्कर तको कहे जाथे। आगू ओमन किहिन के बालोद पुलिस डहर ले चलत 'नवोदयÓ अभियान म मिशन ई-रक्षा, मिशन पूर्ण शक्ति अउ मिशन जीवदया ल बढ़िया तरीका ले चलाये गिसे। 'मिशन ई-रक्षाÓ साइबर अपराध के संबंध म आम जनता ल जागरूक करे खातिर चलाये गिस। 'मिशन जीवदयाÓ दुर्घटना डउर म स्थानीय नागरिक मनके सहभागिता ले प्राथमिक उपचार करना। 'रेडी टू रियेक्टÓ ले आत्मरक्षा के प्रशिक्षण अउ कानूनी अधिकार के बारे म जानकारी देना शामिल रिहिसे। 

पर्यटन म अब बाहरी निजी कंपनी के पूंजी निवेश
बांध म वाटर स्पोर्टस बर चार कंपनी संग तीस साल के अनुबंध

अंजोर.रायपुर। प्रदेश म ग्रामीण पर्यटन अउ वाटर स्पोर्टस ल बढ़ावा दे खातिर छत्तीसगढ़ पर्यटन मंडल डहर ले निजी क्षेत्र के चार अलग-अलग कंपनी संग लायसेंस अनुबंध होगे हावय। कम्पनी मन  पर्यटन विकास म कुल 68 करोड़ 25 करोड़ रूपिया के पूंजी निवेश करही। मुख्यमंत्री डॉ. रमन सिंह के सियानी म होवत अनुबंध के बखत पर्यटन मंत्री दयालदास बघेल, छत्तीसगढ़ पर्यटन मंडल के अध्यक्ष-उपाध्यक्ष संग प्रदेश सरकार के मुख्य सचिव विवेक ढांड, पर्यटन विभाग के सचिव के अलावा अनुबंधकर्ता कंपनी के बड़का अधिकारी मन जुरियाए रिहिन। जानकारी के मुताबिक मुंबई के कंपनी एम.एम.पी. (इंडिया) प्राइवेट लिमिटेड ह राजधानी रायपुर के बूढ़ातरिया म वाटर स्पोर्टस विकसित करे खातिर 12 करोड़ रूपिया के पूंजी निवेश करही अउ कोरबा जिला के माचाडोली म हसदोबांगो बांध म तको वाटर स्पोर्टस ल बढ़ावा दे खातिर कंपनी ह 15 करोड़ रूपिया के पंूजी निवेश करही। ई.सी.एच.टी. कॉगलोमिरेट प्राइवेट लिमिटेड अहमदाबाद के कपनी ह धमतरी के गंगरेल म वाटर स्पोर्टस ल बढ़ावा दे खातिर 20 करोड़ रूपिया लगाही। रायपुर जिला के आरंग विकासखण्ड के ग्राम निसदा के समोदा बैराज म अउ महासमुंद जिला के ग्राम मोडेना, नांदगांव म वाटर स्पोर्टस ल बढ़ावा दे खातिर 15 करोड़ रूपिया लगाही। अइसने मुंबई के एक्यूब आर्किटेक्टस कम्पनी ह महासमुंद जिला के शहीद वीर नारायण सिंह जलाशय (कोडार डेम) म वाटर स्पोर्टस ह बढ़ावा दे खातिर 6.25 करोड़ रूपिया के पंूजी निवेश करही। ये सबो कंपनी के लाइसेंस तीस बछर के होही। प्रदेश म होम स्टे के सुविधा विकसित करे बर छत्तीसगढ़ पर्यटन मंडल ह चेन्नई के मेसर्स इनास्रा टेक्नालाजी प्राइवेट लिमिटेड के संग दू साल के लायसेंस अनुबंध म दस्तखत करे हावय। ये कंपनी ह राज्य म अवइया पर्यटक मनला पारम्परिक होटल म रूके के सुविधा के विकल्प के रूप म ''होम स्टेÓÓ बनाही। कम्पनी ह ह्यह्लड्ड45द्बद्यड्ड.ष्शद्व वेबसाईट म पर्यटक मनला होटल के सुविधा देवाथे। अब ये एजेंसी ह होम स्टे खातिर स्वयं लोगन ले मिलके इच्छुक पर्यटक के होम स्टे रजिस्ट्रेशन अउ बुकिंग करही। छत्तीसगढ़ म अवइया पर्यटक मन स्थानीय लोगन के साथ रइके इहां के रहन-सहन अउ संस्कृति ल जानही। एजेंसी स्थानीय लोगन मनला पर्यटक ल अपन घर म राखे के सुविधा दे खातिर जागरूक तको करही। जेकर से स्थानीय आदमी मनला ज्यादा मुनाफा तको होही अउ पर्यटक मनला घलो घर जइसन माहौल मिलही। 

कोई टिप्पणी नहीं:

एक टिप्पणी भेजें